1700 kílómetrar að baki á aðeins þrem dögum, eða í rauninni bara rúmlega tveimur. Verður að teljast nokkuð gott. Ísland er nú alveg ágætlega fallegt land. Í góðu veðri allavega, þá lítur það alls ekki illa út.
Verðlag út á landi er mér að skapi. Á Reyðarfirði keypti ég hamborgara, franskar og kók á 587 krónur og svo bragðaref á 354 krónur. Eða verðin voru eitthvað í kringum þetta, skiptir ekki öllu máli. Þetta sáum við svo aftur á Árskógarströnd þannig það er greinilegt að landsbyggðin hefur fyrir löngu áttað sig á máltækinu góða: "Smápeningar eru líka peningar". Hérna í Reykjavík skiptir öllu að láta allt annaðhvort enda á hálfum tug eða heilum. Magnað dæmi. Eða allavega soldið magnað. Smá.
Ég, athugula mannveran sem ég er, tók eftir öðru sem á eftir að vekja mikinn áhuga hjá ykkur örugglega. Ég ráðlegg ykkur áður en þið lesið eftirfarandi línur að kannski poppa og fá ykkur gos svona til að koma ykkur í réttu stemninguna.
Tilbúin? OK, bjarnið aðeins með mér hérna.
Á Suðurnesjunum og svo hérna á stór-Reykjavíkursvæðinu þá á fólk heima 'Í' bænum sínum, á meðan fólk annarsstaðar á heima 'Á' honum. Smá slaka takk! Takk!! Undantekningarnar sem ég fann voru Vík í Mýrdal og svo eyjarnar í kringum Ísland. Gefið aaaðeins meiri slaka! TAKK!!
Getið þið fundið fleiri undantekningar, krakkar? Þið fáið sleikjó ef þið finnið eitthvað meira!
Við tókum eitthvað af myndum og hér eru nokkur dæmi
Fjöll eru alltaf skemmtileg.
Jökulsárlón var svellkalt í sólskininu. Það var skemmtilegt.
Landgræðslutilraun öðru megin, sandur hinumegin. Skemmtilegt að vanda.
Þetta fjall var hresst og mjög skemmtilegt.
Ofan á Kárahnjúkastíflu. Skemmtilegt? Svolítið.
Séð aftaná Káranhjúkastífluna. Það voru kínverjar sem pússluðu þessum steinum saman. Kínverjar eru skemmtilegir.
Já, hann er soldið sorglegur nasistinn úr Johnny Naz þáttunum sem ég hitti á Akureyri og ég var mikið að spá í hvort ég ætti að pósta þessari mynd. Hinsvegar, þegar þú ert nasisti þá ertu búinn að fyrirgera allri meðaumkun, só fökk itt.
Já,já myndirnar eru pínkulitlar og ég kann ekki bofs á þetta stöff.
Búið í bili.
Friður út.
:: G-Sus 19:17 [+] ::
...
